واٹس ایپ نے ابتدائی طور پر گزشتہ سال محدود بازاروں میں گروسری کی خریداری متعارف کروائی تھی، لیکن اب یہ فلوز نامی ایک نئی خصوصیت کے ذریعے ان لائن خریداری کا ایک مکمل تجربہ فراہم کر رہا ہے۔ فلو آپ کو اپنے واٹس ایپ چیٹ کو چھوڑے بغیر مختلف اشیاء کی ان لائن خریداری کرنے کہ قابل بناتا ہے، اور اب آپ ٹرین ٹکٹ سے لے کر کھانے پینے اور بہت سی چیزوں کی خریداری کر سکتے ہیں ۔واٹس ایپ بزنس اکاؤنٹ کو مینیو اور فارمز پیش کرنے کی اجازت دے گا جن سے اپ بہت اسانی سے خریداری کر سکتے ہیں۔
واٹس ایپ آنے والے ہفتوں میں اپنے کاروباری پلیٹ فارم کے ذریعے کاروباروں کے لیے فلوز متعارف کرانے کی تیاری کر رہا ہے۔ جس کا آغاز بھارت میں ایک ابتدائی لانچ کے ساتھ ہو رہا ہے، جس میں ہندوستانی صارفین اپنی شاپنگ کارٹس میں اشیاء شامل کرنے اور ادائیگی کے متعدد اختیارات جیسے یو پی ائی، ڈیبٹ کارڈز اور کریڈٹ کارڈز استعمال کرنے کی صلاحیت رکھتے ہوں گے، ان لین دین کی حفاظت کوبڑھانے کے لیے واٹس ایپ نے
PayUاورRazorpay
کے ساتھ شرکت داری قائم کی ہے۔
مزید براں، ترقی میں آنے والی ایک خصوصیت ہے جسے “میٹا ویریفائیڈ” کہا جاتا ہے، یہ خصوصیت ان کاروباروں کو اعتماد کا بیج مہیا کرے گی، جو ان کی قانونی حیثیت کو ظاہر کر سکتے ہیں۔ تصدیق شدہ کاروبار حسب ضرورت واٹس ایپ ویب پیج اور ملٹی ڈیوائس سپورٹ جیسے فوائد سے لطف اندوز ہوں گی۔ اس کے باوجود، اس بات پر زور دینا بہت ضروری ہے کہ یہ فیچر ابھی جانچ کے مرحلے میں ہے اور ا سے ابھی تک بزنس پلیٹ فارم پر قابل رسائی نہیں بنایا گیا ہے یہ بھی واضح نہیں ہےکہ آیا یہ کبھی پاکستان آئے گا لیکن یہ یقینی طور پر واٹس ایپ اور ان لائن شاپنگ کے لیے ایک بہت بڑا اپ گریڈ ہوگا کیونکہ یہاں ہر کوئی چیٹ میسنجر استعمال کرتا ہے۔
